Алея з туй з’явілася на тэрыторыі Камянкоўскага сельскага Дома культуры ў вёсцы Варацішчы. Яе высадзілі работнікі сельсавета сумесна з мясцовай школай і супрацоўнікамі клуба.

– Сёння мы асабліва павінны памятаць подзвігі герояў і бязвінна загінуўшых, а таксама ўпрыгожваць нашу краіну, гарады і вёскі зялёнымі насаджэннямі, сімваламі прыгажосці і свету. Таму і месца выбралі не выпадкова ля помніка загінуўшым землякам, – падкрэсліў старшыня Слабадскога сельсавета Ігар Пятровіч. – Мы свята шануем памяць аб нашых земляках, якія загінулі ў барацьбе за Радзіму. Цяпер ля мемарыяла з’явілася зялёная алея, і яна будзе радаваць мясцовых жыхароў.

У сваю чаргу школьнікі і настаўнікі паабяцалі сачыць і даглядаць саджанцы. Ігар Анатольевіч таксама зазначыў, што азеляненне тэрыторый паступова будзе праводзіцца па ўсёй тэрыторыі сельсавета.

https://zorkanews.by/